គំរូល្អ​ឯកមួយខាង​ផ្នែក​គុណវុឌ្ឍិសង្គម និងការអភិវឌ្ឍមូលដ្ឋាន

ដោយដឹងថាសុខុមាលភាព ការមានទឹកចិត្តមោះមុត និងការចូលរួមរបស់ក្រុមការងារ គឺជាកត្តាមួយក្នុងចំណោមកត្តាសំខាន់ៗនៃការបង្កើតគុណវុឌ្ឍិ ក្រុមហ៊ុន​ Kulara Water អនុវត្តមុខងារ​ទំនួលខុសត្រូវសង្គមរបស់ខ្លួនតាមរយៈការប្តេជ្ញាជាក់ស្តែងជាច្រើន ជាអាទិ៍ សំដៅទៅធានាឲ្យមានកម្រិតត្រឹមត្រូវនៃការផ្តល់ប្រាក់ខែ ការបណ្តុះបណ្តាល ការទទួលស្គាល់ និងការតំឡើងឋានៈសមាជិក​ក្រុមការងារ។ លោក Jacques Marcille អគ្គនាយករបស់ក្រុមហ៊ុន Kulara Water បានពន្យល់ដូច្នេះថា៖ ក្រៅពីការប្រឡូកជុំវិញគោលដៅរួមរបស់យើងទាំងអស់គ្នាក្នុងការផ្តល់នូវអ្វីដែលប្រសើរបំផុត ក្រុមការងាររបស់យើងសុទ្ធតែមានមោទនភាពម៉្យាង នោះគឺមោទនភាពនៃការអមដំណើរការអភិវឌ្ឍម៉ាកទឹកមួយដ៏ល្អឯកដែលត្រូវបានផលិតឡើងនៅកម្ពុជា ដែលផ្តល់ប្រយោជន៍ដល់សុខភាព និងមានសមត្ថភាពប្រកួតប្រជែងជាមួយបណ្តាម៉ាកទឹកធំៗក្នុងស្រុក និងអន្តរជាតិ។  

 

ក្រុមហ៊ុន Kulara Water ក៏បានប្តេជ្ញាផងដែរនៅក្នុងកម្រិតមូលដ្ឋាន តា​មរយៈការ​ភ្ជាប់​ភាពជាដៃគូ ការជួយគាំទ្រ និងផ្តល់ជំនួយផ្សេងៗ។
ក្រុមហ៊ុន Kulara Water ក៏បានប្តេជ្ញាផងដែរនៅក្នុងកម្រិតមូលដ្ឋាន តា​មរយៈការ​ភ្ជាប់​ភាពជាដៃគូ ការជួយគាំទ្រ និងផ្តល់ជំនួយផ្សេងៗ។

 

ផ្នែកមួយនៃការប្តេជ្ញាគឺការអភិវឌ្ឍមូលដ្ឋាន 

ក្រុមហ៊ុន Kulara Water បានប្តេជ្ញាដើរទៅតាមអភិក្រមមួយនៃកិច្ចសហប្រតិបត្តិការជាមួយដៃគូពាក់ព័ន្ធទាំងអស់។ ចំណងទំនាក់ទំនងប្រកបដោយទំនុកចិត្តសំខាន់ៗ ត្រូវបានបង្កើតឡើងជាមួយស្ថាប័នឯកជនផ្សេងៗជាច្រើន ជាមួយ​រដ្ឋ ជាមួយបុគ្គលិក ក្រុមហ៊ុនផ្គត់ផ្គង់ ម្ចាស់ភាគហ៊ុន និងអ្នកប្រើប្រាស់។ ក្រុមហ៊ុន Kulara Water ក៏គាំទ្រជាហូរហែផងដែរដល់បុព្វហេតុជាច្រើន ព្រមទាំងព្រឹត្តិការណ៍​នានាជុំវិញ តម្លៃ ឧត្តមភាពរបស់ខ្លួន ការចែករំលែក និងសាមគ្គីភាព។ នៅក្នុងក្របខណ្ឌនៃដំណើរការជា ក្រុមហ៊ុនដែលគិតគូរដល់ប្រយោជន៍សង្គមនិងបរិស្ថាន និងមាន​ចំណង​សាមគ្គីភាព ក្រុមហ៊ុន Kulara Water បានចូលរួមជាមួយសង្គមស៊ីវិល និងប្តេជ្ញាតាំងពីដើមដំបូងនៅលើសមរភូមិជាច្រើន ក្រោមទម្រង់ជាការផ្តល់ជំនួយ (កម្មវិធីសប្តាហ៍បារាំង របាំព្រះរាជទ្រព្យ កម្មវិធី Edota-GIZ និងកម្មវិធី Ultra Trail d'Angkor...) ការផ្តល់អំណោយ (កាកបាទក្រហមកម្ពុជា Water For All...) ឬការចាប់ភាពជាដៃគូជាមួយអង្គការស្នាមញញឹមកុមារ ក្រុមហ៊ុន Passerelles Numériques មូលនិធិបុរាណវិទ្យា​និងការអភិវឌ្ឍ Safe House Children វិទ្យាប៉ាស្ទ័រ...។ តាំងពីអង្គការក្រៅរដ្ឋាភិបាលឈ្មោះ Safe House Center គាំទ្រដោយក្រុមហ៊ុន Kulara Water ក្នុង​ចន្លោះឆ្នាំ២០១៣ និងចុងឆ្នាំ២០១៧ ត្រូវបានបិទទ្វារមក ក្រុមហ៊ុន Kulara Water ក៏បានប្តេជ្ញាផងដែរជួយ​​​រៀងរាល់ឆ្នាំ​ដល់ការសិក្សា និងទំនុក​បម្រុងមួយផ្នែក​​ដល់​បុគ្គលិក​ដែល​ត្រូវ​​ចំណាយ​លើ​​ការ​រៀន​សូត្រ​របស់​​កូនៗ​ចំនួន​៩៧នាក់។

 

ការ​ជួយ​ទំនុក​បម្រុង​របស់​ក្រុម​ហ៊ុន Kurala Water ដល់​បុគ្គលិក​របស់​ខ្លួន​​ដែល​ត្រូវ​​​ចំណាយ​លើ​ការ​សិក្សា​របស់​កូនៗ គឺ​ឆ្លើយ​តប​ទៅ​នឹង​គោល​ដៅ​លេខ​៤ ដែល​ស្ដី​អំពី​​ការ​អប់​រំ និង​បរិយាប័ន្នភាព​សង្គម។
ការ​ជួយ​ទំនុក​បម្រុង​របស់​ក្រុម​ហ៊ុន Kurala Water ដល់​បុគ្គលិក​របស់​ខ្លួន​​ដែល​ត្រូវ​​​ចំណាយ​លើ​ការ​សិក្សា​របស់​កូនៗ គឺ​ឆ្លើយ​តប​ទៅ​នឹង​គោល​ដៅ​លេខ​៤ ដែល​ស្ដី​អំពី​​ការ​អប់​រំ និង​បរិយាប័ន្នភាព​សង្គម។

 

ក្រុមហ៊ុន Kulara Water បន្តអនុវត្តគម្រោងរបស់ខ្លួនក្នុងការដាំដើមឈើឡើងវិញនៅ​ភ្នំ​គូលែន 

កាលពីដប់ឆ្នាំមុន ជម្រើសយកទីតាំងភ្នំគូលែន​ត្រូវបានធ្វើឡើង ដោយសារតែភាពបរិសុទ្ធនៃប្រភពទឹក លក្ខណៈដ៏ពិសិដ្ឋនៃរមណីយដ្ឋាន បរិស្ថានដែលត្រូវបានអភិរក្សយ៉ាងល្អពិសេស និងដង់ស៊ីតេប្រជាជនមានកម្រិតទាប។ ផ្តួចផ្តើមឡើងនៅឆ្នាំ២០១៨ គម្រោងដាំដើមឈើឡើងវិញរបស់ក្រុមហ៊ុន Kulara Water បំពេញបន្ថែមលើការប្តេជ្ញាការពារបរិស្ថានជិតប្រភពទឹកនៅជើងភ្នំគូលែន រហូតដល់តំបន់ជុំវិញអណ្តូង។

នៅឆ្នាំ២០១៨ ដើមឈើ៣៨០០ដើមត្រូវបានដាំរួចហើយនៅក្នុងទីតាំងរោងចក្ររបស់ក្រុមហ៊ុន Kulara Water។ កូនឈើថ្មីៗចំនួន៣៤០០ដើមនឹងត្រូវដាំបន្ថែមទៀត ពីពេលនេះរហូតដល់ខែសីហា ឆ្នាំ២០១៩។ ភាគច្រើននៃកូនឈើដែលត្រូវបានជ្រើសរើសយកមកដាំ សុទ្ធតែជាប្រភេទឈើពិសេស ដែលកំពុងទទួលរងការ​គំរាមកំហែង​អាច​ផុតពូជ។ ឧទាហរណ៍ ដើម​ឈើប្រណិតៗដូច​ជា ក្រញូង​ នាងនួន និង​បេង​ជា​ដើម ហើយដែលសុទ្ធតែស្ថិតនៅក្នុងចំណោម​ប្រភេទឈើទាំង១០ដំបូង​ក្នុងបញ្ជីខ្មៅពិភពលោករបស់អង្គការ IUCN ពោល​គឺ​បញ្ជី​ដែល​បានកត់ត្រាទុកនូវប្រភេទឈើកំពុងប្រឈមមុខនឹងការបាត់បង់ផុតពូជ។ ក្រុមហ៊ុន Kulara Water បានកំណត់គោលដៅរបស់ខ្លួនថា នឹងប្រមែប្រមូល ព្រមទាំងដាំឡើងវិញនូវប្រភេទឈើក្នុងស្រុកដែលកំពុងទទួលរងការបាត់បង់​ចំនួន៣៣ប្រភេទនៅក្នុងព្រៃភ្នំគូលែន។  

 

ដើមឈើជាង៧២០០ដើមត្រូវបានដាំកាលពីពេលថ្មីៗនេះ នៅលើ​ផ្ទៃដីអេកូឡូហ្ស៊ីថ្មីដែលទទួលបានការអភិរក្សទំហំ៤០ហិកតា នៅជើងភ្នំគូលែន។
ដើមឈើជាង៧២០០ដើមត្រូវបានដាំកាលពីពេលថ្មីៗនេះ នៅលើ​ផ្ទៃដីអេកូឡូហ្ស៊ីថ្មីដែលទទួលបានការអភិរក្សទំហំ៤០ហិកតា នៅជើងភ្នំគូលែន។

 

 

ថ្នាលបណ្តុះកូនឈើចំនួន៣កន្លែង ដើម្បីផ្តល់ពូជឈើដល់តំបន់ដែលត្រូវដាំដើមឈើឡើងវិញ 

ថ្នាលបណ្តុះកូនឈើចំនួន៣កន្លែងដែលទទួល​បាន​ការ​ជួយ​ទំនុក​បម្រុង​ពី​សំណាក់​ក្រុមហ៊ុន Kulara Water ក៏បានចាប់បដិសន្ធិឡើងនៅសាលាបឋមសិក្សា​ក្នុងភូមិតាពេញ ភូមិសង្កែលាក់ និងភូមិអណ្តូងធំ ដើម្បីផ្តល់ជាពូជឈើយកទៅដាំនៅតាមទីតាំងដែលត្រូវដាំដើមឈើឡើងវិញ ព្រមទាំងផ្សព្វផ្សាយបំផុសបំផុលឲ្យយុវជននៅក្នុងតំបន់យល់ដឹងពីការការពារបរិស្ថាន និងជីវៈចម្រុះ។ សិស្សសាលាក្មេងៗដែលស្ថិតនៅក្រោមការគ្រប់គ្រង និងដឹកនាំដោយលោកគ្រូអ្នកគ្រូរបស់ពួកគេ និងដោយមូលនិធិបុរាណវិទ្យានិងការអភិវឌ្ឍ ក៏ត្រូវបានកៀងគរឲ្យធ្វើបញ្ជីសារពើភណ្ឌលម្អិតអំពីប្រភេទកូនឈើដែលត្រូវដាំ យកគ្រាប់ទៅបណ្តុះក្នុងដី ចាក់ទឹក និងថែទាំថ្នាល។ ចំណែកឯកក្រុមការងាររបស់ក្រុមហ៊ុន Kulara Water ធានានូវការងារត្រៀមរៀបចំផ្ទៃដីដែលត្រូវដាំដើមឈើឡើងវិញ ការដាំកូនឈើនៅលើផ្ទៃដី៤០ហិកតាជុំវិញអណ្តូងបូមទឹក ព្រមទាំងការគ្រប់គ្រង និងតាមដានប្រភេទឈើកម្រដែលត្រូវបានដាំ។ ការប្តេជ្ញារបស់ក្រុមហ៊ុន Kulara Water ក៏គ្រោងផងដែរនឹងធ្វើការដកស្មៅចង្រៃចេញដោយដៃពីផ្ទៃដីដែលត្រូវបានដាំដើមឈើឡើងវិញ​ ដោយមិនប្រើសារធាតុគីមី ហើយជំនួសកូនឈើដែលដាំមិនដុះដោយសារតែជម្ងឺ ឬ​ដោយសារ​អាកាសធាតុ។ 

នៅថ្ងៃទី៨ ខែកក្កដា ឆ្នាំ២០១៩ ពោលគឺជាងមួយឆ្នាំ បន្ទាប់ពីចាប់ផ្តើមគម្រោងសំដៅទៅបង្កើតលំហការពារសម្រាប់​ឃ្មុំព្រៃទាំងនេះ និងធានាផ្តល់ឲ្យឃ្មុំទាំងនេះនូវមធ្យោបាយអាចរស់បាន យើងក៏ឃើញមានឃ្មុំប្រភេទ Giant Apis Dorsata មួយហ្វូងបាន​មក​តាំងទីលំនៅនៅក្នុងទីតាំងក្រុមហ៊ុន Kulara Water។
នៅថ្ងៃទី៨ ខែកក្កដា ឆ្នាំ២០១៩ ពោលគឺជាងមួយឆ្នាំ បន្ទាប់ពីចាប់ផ្តើមគម្រោងសំដៅទៅបង្កើតលំហការពារសម្រាប់​ឃ្មុំព្រៃទាំងនេះ និងធានាផ្តល់ឲ្យឃ្មុំទាំងនេះនូវមធ្យោបាយអាចរស់បាន យើងក៏ឃើញមានឃ្មុំប្រភេទ Giant Apis Dorsata មួយហ្វូងបាន​មក​តាំងទីលំនៅនៅក្នុងទីតាំងក្រុមហ៊ុន Kulara Water។

 

ដំណើរសំដៅទៅលែងឃ្មុំម្យ៉ាង​ឱ្យ​ទៅ​រស់​នៅក្នុង​​ព្រៃឡើង​វិញ 

ឃ្មុំព្រៃនៅក្នុងព្រៃលើខ្នងភ្នំគូលែន​ក៏ជាកម្មវត្ថុនៃចំណាប់​អារម្មណ៍ដ៏ខ្លាំងមួយដែរ។ ខណៈ​ដែលគម្របព្រៃឈើនៅលើភ្នំគូលែនត្រូវបានកាត់បន្ថយឥតឈប់ឈរនោះ ចំនួនឃ្មុំពិតជាបង្ហាញយ៉ាងច្បាស់នូវសញ្ញាធ្លាក់ចុះយ៉ាងពិតប្រាកដ។ ដោយប្តេជ្ញាដាំដើមឈើឡើងវិញនៅលើផ្ទៃដីមួយផ្នែកនៃតំបន់ភ្នំគូលែន និងដាំឡើងវិញនូវរុក្ខជាតិជាច្រើនផ្សេងទៀត ដែលធានាឲ្យមានផ្កាជាប់ជាប្រចាំពេញមួយ​ឆ្នាំ ក្រុមហ៊ុន Kulara Water សង្ឃឹមថា ឃ្មុំមួយប្រភេទនឹងត្រឡប់មករស់នៅក្នុងព្រៃនេះវិញ ពោលគឺជាប្រភេទឃ្មុំដែលកាន់តែកម្រទៅៗនៅក្នុងតំបន់។ ជាការពិត ឃ្មុំទាំងនេះពិតជាសំខាន់ខ្លាំងណាស់ សម្រាប់ការនាំយកលម្អងផ្កា និងការករកើត​ឡើងវិញនូវដើមឈើ ព្រមទាំងសម្រាប់ចង្វាក់អាហារទាំងមូល។ ដោយមានជំនួយពីអង្គការក្រៅរដ្ឋាភិបាលឈ្មោះ Agrisud International ការងារផ្សព្វផ្សាយ និងបំផុសបំផុល ព្រមទាំងការបណ្តុះបណ្តាលអ្នកភូមិនៅលើភ្នំគូលែន​ក៏ត្រូវបានធ្វើផងដែរដោយមូលនិធិ ADF ដើម្បីធានានូវការធ្វើអាជីវកម្ម និងការប្រមែប្រមូលទឹកឃ្មុំប្រកបដោយ​និរន្តរភាព។   

Sustainable Development

ការ​ប្ដេជ្ញា​ធ្វើ​ខ្លួន​ជា​ក្រុមហ៊ុន​មាន​ទំនួល​ខុស​ត្រូវ​សង្គម ឬ​ហៅ​កាត់​ថា CSR ដោយ​ឆ្លើយ​តប​ទៅ​នឹង​គោល​ដៅ​អភិវឌ្ឍន៍​ប្រកប​ដោយ​ចីរភាព​របស់​អង្គការ​សហប្រជាជាតិ 

ការប្តេជ្ញារបស់ក្រុមហ៊ុន Kulara Water ពាក់ព័ន្ធនឹងការអភិវឌ្ឍប្រកបដោយចីរភាព ពិត​ជា​ឆ្លើយតបទៅនឹងគោលដៅ​ជាច្រើនដែលកំណត់ដោយអង្គការសហប្រជាជាតិ។ កម្មវិធី​ដាំ​ដើម​ឈើ​ឡើង​វិញ ក្នុង​ភាព​ជា​ដៃ​គូ​ជា​មួយ​មូល​និធិ ADF ចូល​រួម ​ជាអាទិ៍​ដល់​ការ​បំផុសបំផុល​យុវជន​ជំនាន់​ថ្មី​ឱ្យ​យល់​ដឹង​អំពី​បម្រែបម្រួល​អាកាសធាតុ ដើម្បី​នាំ​ពួក​គេ​ឱ្យ​ឆាប់​ដើរ​ទៅ​តាម​ផ្លូវ​នៃ​និរន្តរភាព  (គោលដៅលេខ១៣ ស្ដី​អំពី ការពារភពផែនដី) លើក​ទឹក​ចិត្ត​ឱ្យ​ពួក​គេ​ដាំ​ដើម​ឈើ​និង​ចូល​រួម​ការពារ​បរិស្ថាន (គោលដៅលេខ១៥​ ស្ដី​​អំពី ជីវិតនៅលើផែនដី) ធានាឲ្យមានការរស់នៅមួយដ៏សុខសាន្ត និងមានសុខុមាលភាពសម្រាប់គ្រប់គ្នា (គោលដៅលេខ៣ ស្ដី​​ពី សុខភាព និងសុខុមាលភាព)។

ចំណែក​ឯ​គោល​នយោបាយ​របស់​ក្រុម​ហ៊ុន Kulara Water ពាក់ព័ន្ធ​នឹង​ការ​ផ្ដល់​ប្រាក់​ខែ ការ​ផ្លាស់​ប្ដូរ​ការងារ​ផ្ទៃ​ក្នុង ការ​ផ្ដល់​លទ្ធភាព​ឱ្យ​បុគ្គលិក​រៀន​ចំណេះ​ជំនាញ​ថ្មី​បន្ថែម និង​ការ​អភិវឌ្ឍ​សមត្ថភាព​ គឺ​ឆ្លើយ​តប​ទៅ​នឹង​គោល​ដៅ​លេខ​៨ ស្ដី​​អំពី​ការងារ​សមរម្យ និង​កំណើន​សេដ្ឋកិច្ច ដែល​សំដៅ​ទៅ​លើក​ស្ទួយឱ្យ​មាន​​កំណើន​សេដ្ឋកិច្ច​ខ្ពស់ប្រកប​ដោយ​ចីរភាព ​មាន​ការ​ចែក​រំលែកផល​​នៃ​កំណើន​ ឱ្យ​មនុស្ស​មាន​ការងារ​ធ្វើ​ច្រើន​ខាង​ផលិត​កម្ម និង​មាន​ការងារ​សមរម្យ​សម្រាប់​មនុស្ស​គ្រប់​គ្នា។ ចំណុច​ចុង​ក្រោយ គឺ​ការ​ជួយ​ទំនុក​បម្រុង​របស់​ក្រុម​ហ៊ុន Kurala Water ដល់​បុគ្គលិក​របស់​ខ្លួន​​ដែល​ត្រូវ​​​ចំណាយ​លើ​ការ​សិក្សា​របស់​កូនៗ គឺ​ឆ្លើយ​តប​ទៅ​នឹង​គោល​ដៅ​លេខ​៤ ដែល​ស្ដី​អំពី​​ការ​អប់​រំ និង​បរិយាប័ន្នភាព​សង្គម។ គោល​ដៅ​នេះ​ទទួល​ស្គាល់​លក្ខណៈ​សំខាន់​នៃ​ការ​អប់រំ និង​ការ​បណ្ដុះបណ្ដាល​បន្ថែម​ដើម្បី​ធ្វើ​ឱ្យ​មនុស្ស​មាន​ការងារ​ធ្វើ​គ្រប់គ្នា និង​កាត់​បន្ថយ​ភាព​ក្រីក្រ។

 

​រង្វាន់​ CSR (ក្រុមហ៊ុន​មាន​ទំនួល​ខុស​ត្រូវ​សង្គម) លើក​ដំបូង ដែល​ត្រូវបាន​រៀបចំ​ឡើង​ ឆ្នាំ​នេះ ដោយ​សភា​ពាណិជ្ជកម្ម​អឺរ៉ុប ទើប​ត្រូវ​បាន​ផ្ដល់​ជូន​ក្រុមហ៊ុន Kulara Water ដោយសារ​​កិច្ចការ​ទាំង​មូល​របស់​ក្រុមហ៊ុន​ខាង​ផ្នែក​អភិវឌ្ឍន៍​ប្រកប​ដោយ​និរន្តរភាព។
​រង្វាន់​ CSR (ក្រុមហ៊ុន​មាន​ទំនួល​ខុស​ត្រូវ​សង្គម) លើក​ដំបូង ដែល​ត្រូវបាន​រៀបចំ​ឡើង​ ឆ្នាំ​នេះ ដោយ​សភា​ពាណិជ្ជកម្ម​អឺរ៉ុប ទើប​ត្រូវ​បាន​ផ្ដល់​ជូន​ក្រុមហ៊ុន Kulara Water ដោយសារ​​កិច្ចការ​ទាំង​មូល​របស់​ក្រុមហ៊ុន​ខាង​ផ្នែក​អភិវឌ្ឍន៍​ប្រកប​ដោយ​និរន្តរភាព។

 

ក្រុមហ៊ុន Kulara Water ទទួល​បាន​​រង្វាន់​ CSR (ក្រុមហ៊ុន​មាន​ទំនួល​ខុស​ត្រូវ​សង្គម)

ក្រុមហ៊ុន Kulara Water កាល​ពី​ថ្ងៃ​ពុធ​កន្លង​ទៅ បាន​ទទួល​រង្វាន់​ធំ​លេខ​១ ជា​ក្រុមហ៊ុន​មាន​ទំនួល​ខុស​ត្រូវ​សង្គម ក្នុង​ចំណាត់​ថ្នាក់​នៃ​បណ្ដា​ក្រុមហ៊ុន​ធំៗ។ ការ​ទទួល​បាន​នូវ​​កិត្តិយស​ដ៏​វិសេសវិសាល​នេះ​ គឺ​ដោយសារ​​កិច្ចការ​ទាំង​មូល​របស់​ក្រុមហ៊ុន Kulara Water ​​ខាង​ផ្នែក​អភិវឌ្ឍន៍​ប្រកប​ដោយ​និរន្តរភាព ព្រម​ទាំង​ដោយសារ​លទ្ធផល​ជាក់​ស្ដែង​ជា​ច្រើន​ដែល​ទទួល​បាន​នៅ​កម្ពុជា តាំង​ពី​ក្រុមហ៊ុន​បាន​ចាប់​ផ្ដើម​ផលិត​ទឹក​រ៉ែធម្មជាតិ អូ គូលែន នៅ​ឆ្នាំ​២០១៣​មក។

តាម​រយៈ​រង្វាន់​នេះ គណៈកម្មាធិការ​មេប្រយោគ ដែល​មាន​ឯកឧត្ដម សុខ ចិន្ដាសោភា រដ្ឋមន្ត្រី​អម​សម្ដេច​នាយក​រដ្ឋមន្ត្រី​ និង​ជា​អគ្គ​លេខាធិការ​នៃ​ក្រុមប្រឹក្សា​អភិវឌ្ឍន៍​កម្ពុជា និង​ឯកឧត្ដម George Edgar ឯកអគ្គរដ្ឋទូត​នៃ​សហភាព​អឺរ៉ុប​ប្រចាំ​កម្ពុជា ជា​សហប្រធាន ក៏​បាន​លើក​កិត្តិយស​ផង​ដែរ​ដល់​យុទ្ធសាស្ត្រ​ក្រុមហ៊ុន​ដ៏​ល្អ​ឯក​របស់​ក្រុមហ៊ុន Kulara Water។ 

 

ដើម្បី​ទទួល​ព័ត៌មាន​បន្ថែម​ទៀត​ស្ដី​ពី​ការ​ប្ដេជ្ញា​របស់​យើង​ជា​ក្រុមហ៊ុន CSR